ಪಳೆ..... ಪಾರ್ಕಿ..... ಕಾರ್ಯಾಕ್ ದೇಂವ್.....
-ಬಾ. ಜೋನ್ಸನ್ ಸಿಕ್ವೇರಾ
ವೈ.ಸಿ.ಎಸ್. ಹಾತ್ ಪುಸ್ತಕ್ “ ಬರಾå ಫುಡಾರಾಚೆ ವಾಟೆರ್” ಹಾಚಾ ಆಧಾರಾನ್.
ಆಯ್ತಾರಾಚೆಂ ಕ್ರಿಸ್ತಾಂವ್ ಶಿಕ್ಷಣ್ ಸರ್ವಾಂಕ್ ಏಕ್ ಕುಟಾಮ್ ಕರ್ತಾ ಆನಿ ಆಪ್ಲಿಂ ಧಾರ್ಮಿಕ್ ಸತಾಂ ಶಿಕುಂಕ್ ಆವ್ಕಾಸ್ ದಿತಾ. ಸುರ್ವಿಲ್ಯಾ ತೀನ್ ಕ್ಲಾಶಿಂತ್ ಪಯ್ಲ್ಯಾ ಕುಮ್ಗಾರಾಕ್ ತಯಾರಾಯ್ ತರ್, ಉಪ್ರಾಂತ್ಲ್ಯಾ ಕ್ಲಾಶಿಂತ್ ಪವಿತ್ರ್ ಪುಸ್ತಕಾಚಿ ಜಾಣ್ವಾಯ್ ಮೆಳಶೆಂ ಆಯ್ತಾರಾಚೆಂ ಕ್ರಿಸ್ತಾಂವ್ ಶಿಕ್ಷಣ್ ಮಾಂಡುನ್ ಹಾಡ್ಲಾಂ. ಪುಣ್ ಧಾವಿ ಜಾಲ್ಯಾ ಉಪ್ರಾಂತ್ ಕ್ರಿಸ್ತಾಂವ್ ಶಿಕ್ಷಣ್ ಜಾಲೆಂ ಮ್ಹಳ್ಳೆಂ ಚಿಂತಪ್ ಸಬಾರಾಂಚ್ಯೆ ಮತಿಂತ್ ಆಸಾ. ತಶೆಂಚ್ ಧಾವಿ ಜಾಲ್ಯಾ ಉಪ್ರಾಂತ್ ಕಿತೆಂ ಶಿಕುಂಕ್ ಆಸಾ ಮ್ಹಳ್ಳೆಂ ಸವಾಲ್ಯಿ ಉದೆತಾ.
ಆಧುನಿಕ್ ಕಾಳಾಚ್ಯಾ ಪರಿಪಿಕಾಯೆಕ್ ಪಾವ್ಲ್ಲ್ಯಾ ಭುರ್ಗ್ಯಾಂ ಥಂಯ್ ಜಾಯ್ತೆ ಭಾವಾರ್ಥಾಕ್ ಸಂಬಂಧಿತ್ ಸಮಸ್ಯೆ ಚಡ್ಲ್ಯಾತ್. ಅಸಲ್ಯೆ ಪರಿಸ್ಥಿತೆಂತ್ ಆಮ್ಚ್ಯಾ ವಿದ್ಯಾರ್ಥಿಂಕ್ ಪವಿತ್ರ್ ಪುಸ್ತಕಾಚ್ಯಾ ಉಜ್ವಾಡಾನ್ ಫಾವೊ ತೆಂ ಮಾರ್ಗದರ್ಶನ್ ಮೆಳತ್ ತರ್, ಆಮ್ಚ್ಯಾ ವಿದ್ಯಾರ್ಥಿಂಚೆಂ ಜಿವಿತ್ ಆಮಿ ಉಜ್ವಾಡಾಯ್ಲಲೆಂ ಪರಿಂ ಮ್ಹಣ್ಯೆತ್. ಹೆಂಚ್ ಚಿಂತಾಪ್ ದವರುನ್, ಸಬಾರ್ ವರ್ಸಾಂ ಥಾವ್ನ್ ವಾಡೊನ್ ಯೆಂವ್ಚ್ಯಾ ಮ್ಹಣ್ಜೆ ಪಿಯುಸಿಂತ್ ಶಿಕ್ಚ್ಯಾ ಭುರ್ಗ್ಯಾಂ ಖಾತಿರ್ ಆಸ್ಚೆಂ ಸಂಚಾಲನ್ ವೈ. ಸಿ. ಎಸ್. ದೆಕುನ್ ಹೆಂ ಲೇಕನ್, ಹ್ಯಾ ಸಂಚಾಲನಾಚಿ ಮಟ್ವಿ ಝಳಕ್ ತುಮ್ಚೆ ಮುಖಾರ್ ದವರ್ತಲೆಂ.
ವೈ.ಸಿ.ಎಸ್ ಚಿ ಸುರ್ವಾತ್:
“ಮ್ಹೆಳ್ಯಾ ಉದ್ಕಾ ವರ್ವಿಂ ವಳ್ವಳ್ಚ್ಯಾ ಮಾಸ್ಳ್ಯಾಂಕ್ ತುಮಿ ಟೊನಿಕ್ ದಿನಾಕಾತ್. ಬದ್ಲಾಕ್ ತ್ಯೊ ಮಾಸ್ಳ್ಯೊ ಆಸ್ಚೆಂ ಉದಕ್ ವ ಪರಿಸರ್ ನಿತಳ್ ಕರಾ” - ಕಾರ್ಡಿನಲ್ ಜೋಸೆಫ್ ಕಾರ್ಡಾಯ್ನ್
ಜೋಸೆಫ್ ಕಾರ್ಡಾಯ್ನ್ ಬೆಲ್ಜಿಯಮಾಚ್ಯಾ ಬ್ರಸ್ಸೆಲ್ಸ್ ಶಹರಾ ದೆಗೆಚ್ಯೆ ಸ್ಕ್ರೆರ್ಬಿಕ್ ನಾಂವಾಚ್ಯೆ ಹಳ್ಳೆಂತ್ 1882 ನವೆಂಬರಾಚ್ಯೆ 13 ತಾರಿಕೆರ್ ಜಲ್ಮಾಲೊ. ತಾಚಿಂ ಆವಯ್ ಬಾಪಯ್ ಕುಲಿಚೆಂ ಕಾಮ್ ಕರ್ತಾಲಿಂ. ದುಬ್ಳಿಕಾಯೆಚೊ ಆನಿ ಯಾಂತ್ರಿಕ್ ಕ್ರಾಂತಿಚೊ ಪ್ರಭಾವ್ಯಿ ಕಾರ್ಡಾಯ್ನಾಚೆರ್ ಲ್ಹಾನ್ಪಣಿಂ ಪಡ್ಲ್ಲೊ. ಹ್ಯಾ ವರ್ವಿಂ ತಾಚಿ ವೊಡ್ನಿ ಸಮಾಜ್ ಸೆವೆ ಥಂಯ್ ಆಸ್ಲ್ಲಿ. ದೆಕುನ್ ಆಪ್ಲ್ಯಾ ಶಿಕ್ಪಾ ನಂತರ್ ತಾಣೆಂ ಯಾಜಕ್ ಜಿಣಿಯೆಚಿ ವಾಟ್ ಧರ್ಲಿ. 1906 ಸಪ್ಟೆಂಬರ್ 22 ವೆರ್ ತಾಕಾ ಯಾಜಕಿ ದಿಕ್ಷಾ ಲಾಭ್ಲಿ. ಉಪ್ರಾಂತ್ ದುಬ್ಳ್ಯಾ ದಾಕ್ಟ್ಯಾಂ ಖಾತಿರ್ ತಾಣೆಂ ಆಪೆÇ್ಲ ವಾವ್ರ್ ಮುಕಾರ್ಸಿಲೊ.
1920 ಂತ್ ಕಾಮೆಲ್ಯಾಂ ಖಾತಿರ್ ತಾಣೆಂ ಯಂಗ್ ಕ್ರಿಸ್ಚಿಯನ್ ವರ್ಕರ್ಸ್ (YCW) ಸಂಘ್ ಘಡ್ಲೊ. ಹಾಚೊ ಪರಿಣಾಮ್ ಜಾವ್ನ್ 1916 ಆನಿ 1942 ಂತ್ ದೋನ್ ಪಾವ್ಟಿಂ ತಾಕಾ ಜೈಲ್ ಶಿಕ್ಷಾ ಫಾವೊ ಜಾಲಿ. ಹ್ಯಾ ವೆಳಿಂ ಭುರ್ಗ್ಯಾಂಕ್ ತಾಂಚ್ಯಾ ಮುಕ್ಲ್ಯಾ ಫುಡಾರಾಕ್ ತಯಾರ್ ಕರ್ಚ್ಯಾಕ್ 1931 ವರ್ಸಾಂ ತಾಣೆಂ ಯಂಗ್ ಕ್ರಿಸ್ಚಿಯನ್ ಸ್ಟೂಡೆಂಟ್ಸ್(YCS) ಸಂಚಾಲನ್ ಘಡ್ಲೆಂ. ತೆಂ ಆಜ್ ಸಗ್ಳ್ಯಾ ಸಂಸಾರ್ಭರ್ ವಿಸ್ತಾರ್ಲಾಂ.
ಭಾರತಾಂತ್ ವೈ.ಸಿ.ಎಸ್
ಭಾರತಾಂತ್ ಮಿಸಾಂವ್ ವಾವ್ರ್ ದಿಂವ್ಕ್ ಆಯ್ಲೆಲ್ಯಾ ಜರ್ಮನಿ ತಶೆಂಚ್ ಆಸ್ಟ್ರೇಲಿಯಾಚಾ ಮಿಶನರಿ ಥಾವ್ನ್ ಪ್ರತ್ಯೇಕ್ ಜಾವ್ನ್ ಮಿಸ್ ಬೆಟ್ಟಿ ಕಿಂಗ್ ಹಾಂಚಾ ಪ್ರಯತ್ನಾನ್ ವೈ.ಸಿ.ಎಸ್. ಆರಂಭ್ ಕರ್ಚಿ ಪ್ರಕ್ರಿಯಾ ಸುರು ಜಾಲಿ. 1966 ಜನೆರ್ 16 ತಾರಿಕೆರ್ ಧರ್ಮ್ಭಯ್ಣ್ ಜೀನ್ ಪಾವೊಸ್ ಹಿಣೆಂ ಸಾರ್ವತ್ರಿಕ್ ರಿತಿನ್ ಚೆನ್ನೈಂತ್ ವೈ.ಸಿ.ಎಸ್ ಸ್ಥಾಪನ್ ಕೆಲೆ. 1969 ಂತ್ ವೈ.ಸಿ.ಎಸ್ ಕ್ ಕಾಥೊಲಿಕ್ ಬಿಸ್ಪಾ ಮಂಡಳಿ ಥಾವ್ನ್ ಪರ್ವಣ್ಗಿ ಲಾಭ್ತಾಚ್, ಧರ್ಮ್ ಭಯ್ಣ್ ಜೀನ್ ಪಾವೊಸ್ ಪಯ್ಲಿ ರಾಷ್ಟ್ರೀಯ್ ಚಾಪ್ಲೇಯ್ನ್ ಜಾವ್ನ್ ವಿಂಚುನ್ ಅಯ್ಲಿ.
ಧರ್ಮ್ಭಯ್ಣ್ ಜೀನ್ ಪಾವೊಸ್
ಧ್ಯೇಯ್ : ನವಿ ಸಮಾಜ್ ನಿರ್ಮಾಣ್
ಉದ್ದೇಶ್:
•ಆಪ್ಣಾಕ್ ಸಾರ್ಕೆಂ ವಳ್ಕುನ್ ಘೆವ್ನ್ ಆನಿ ಜಿಣಿಯೆಚೊ ವಿಮರ್ಸೊ ಕರ್ನ್ ವ್ಯಕ್ತಿತ್ವ್ ರುಪಿತ್ ಕರ್ಚೆಂ (Personality Development)
•ಪವಿತ್ರ್ ಪುಸ್ತಕಾಂತ್ಲಿಂ ಸತಾಂ ಸಮ್ಜುನ್ ಜಿಣಿಯೆಂತ್ ಆಮಿ ಸಮಾಜೆಂತ್ ರುತಾ ಕರ್ಚಿಂ (Faith Formation)
•ಆಪ್ಣಾಚಿ ಆಂತರಿಕ್ ಸಕತ್ ಸೊದುನ್ ಕಾಡ್ನ್ ದೆಣಿಂ ರುತಾ ಕರುನ್ ಮುಖೆಲ್ಪಣ್ ಘೆಂವ್ಚೆಂ (Leadership through talent exposure)
•ಬರೆಂ ಶಿಕಪ್, ಶಿಸ್ತೆಚೆಂ ಜೀವನ್ ಆನಿ ಚಟುವಟಿಕಾಂ ಮುಖಾಂತ್ರ್ ಬರ್ಯಾ ಫುಡಾರಾಕ್ ತಯಾರಾಯ್ ಕರ್ಛಿ (Disciplinary Life)
•ಸಮಾಜಿಕ್ ಜಾಗ್ರತಿ ಆನಿ ನಿತಿ ಖಾತಿತ್ ಝಜ್ಚೆಂ (Social Awareness)
ವೈ ಸಿ ಎಸ್ ಜಾಗತಿಕ್ ಸಂಚಲನಾಚಿ ಕಾರ್ಯವಳ್
•ಯುವ ಪ್ರಾಯೆಕ್ ಸಾಂಗಾತ್ಪಣಾಚೊ ವೆಕ್ತಿ ಮನಾನ್, ಸೊಡ್ ದೊಡ್ ಕರ್ನ್ ಪಂಗ್ಡಾ ವಾವ್ರಾಚೊ ಅನ್ಭವ್ ಜೊಡ್ಚೊ
•ನಾಗರಿಕ್ ಸಮಾಜೆಂತ್ಲ್ಯಾ ಸಂಗಟನಾಂನಿ ಚಡ್ ಆನಿ ಚಡ್ ಸಾಂದ್ಯಾಂನಿ ಮೆಳೊನ್ ಕಾರ್ಯವಳಿಂನಿ ವಾಂಟೊ ಘೆಂವ್ಕ್ ಎಕಾಮೆಕಾ ಪ್ರೇರಿತ್ ಕರ್ನ್ ಆಧಾರ್ ದಿಂವ್ಚೊ
•ಶಿಕ್ಪಾಂತ್ ಎಕಾಮೆಕಾ ಪೆÇ್ರೀತ್ಸಾಹ್ ದಿವ್ನ್ ಬರಿ ಪ್ರಗತಿ ಜೊಡ್ಚಿ
•ಶಿಬಿರಾಂನಿ ವಾಂಟೊ ಘೆವ್ನ್ ಹೆರ್ ಯುವಜಣಾಂ ಸಾಂಗಾತಾ ಭರ್ಸೊನ್ ವೆಕ್ತಿತ್ವ್ ಆನಿ ಚಿಂತ್ಪಾಚಿ ಮೇರ್ ವಿಸ್ತಾರಾಂವ್ಚಿ
•ಫಿರ್ಗಜ್-ಕುಟ್ಮಾಚ್ಯಾ ವೆವೆಗ್ಳ್ಯಾ ಕಾರ್ಯಾವೆಳಿಂ ಸುರ್ವಾತ್ಪಣ್ ದೀವ್ನ್ ಮುಕೆಲ್ಪಣ್ ಘೆಂವ್ಚೆಂ
•ದೇವ್ಸ್ತುತೆಂತ್ ತರ್ಭೆತಿ ಜೊಡ್ನ್ ತಿ ಅರ್ಥಾಭರಿತ್ ಕರುಂಕ್ ಆಧಾರ್ ದಿಂವ್ಚೊ.
•ಕಾಥೊಲಿಕ್ ಸಮಾಜೆಚ್ಯಾ ಆನಿ ಸಾರ್ವಜನಿಕ್ ಶೆತಾಚ್ಯಾ ಚಾಲ್ತ್ಯಾ ಸಂಗ್ತಿಂಚೆಂ ಆಧ್ಯಯನ್ ಕರ್ಚೆಂ
•ಸಾಂದ್ಯಾಂನಿ ಆಪ್ಣಾಚ್ಯೊ ಸಕ್ತಿ ಆನಿ ದೆಣಿಂ ಉರ್ಜಿತ್ ಕರುಂಕ್ ಪ್ರಯತನ್ ಕರ್ಚೆಂ.
ವೈ.ಸಿ. ಎಸ್ ಸಂಚಾಲನಾಚಿ ಕಾರ್ಯಾವಿಧಾನ್: ಪಳೆ, ಪಾರ್ಕಿ, ಕಾರ್ಯಾಕ್ ದೆಂವ್:
ಹ್ಯಾ ಕಾರ್ಯಾವಿಧಾನಾಕ್ ‘ಜಿಣಿಯೆಚೊ ಪುನರ್ ವಿಮರ್ಸೊ’ (Review of Life) ಮ್ಹಣ್ತಾತ್. ಹಾಂತುಂ ವೈ.ಸಿ.ಎಸ್. ಸಾಂದ್ಯಾಂನಿ ಎಕಾ ಘಡಿತಾ ವಾ ಕಾಣಿಯೆ ವಯ್ರ್ ಥೊಡೊ ಗೂಂಡ್ ರಿತಿನ್ ನಿಯಾಳ್ ಕರ್ಚೊ. ತ್ಯಾ ಘಡಿತಾಂತ್ಲಿಂ ಮೊಲಾಂ, ದೈವಿಕ್ ಸಂದೇಶ್, ಸ್ವಮೆತೆರ್ಪಣ್ ಜಾಣಾ ಜಾಂವ್ಚೆಂ. ಪರಿಣಾಮ್- ಸ್ವಮೆತೆರ್ಪಣ್ ಆನಿ ಜಿಣಿಯೆಚೆಂ ಪರಿವರ್ತನ್ ಆಪ್ಣಾಕ್ಚ್ ತ್ಯಾ ಘಡಿತಾಂತ್ ಮೆಳೊವ್ನ್ ಆಪ್ಣಾಚೊ ಮನೋಭಾವ್ ಸಾರ್ಕೊ ಕರ್ಚೊ , ಮಿಸಾಂವ್ ಆನಿ ಕಾರ್ಯೆಂ ಜಾಣಾ ಜಾಂವ್ಚೆಂ, ಕಾರ್ಯಾವಳ್ ಮಾಂಡುನ್ ಹಾಡ್ಚಿ ಆನಿ ಅಮ್ಚ್ಯೆ ಮುಕ್ಲ್ಯೆ ಜಿಣಿಯೆಕ್ ಫಾವೊ ತೊ ನಿರ್ಧಾರ್ ಕರ್ತಾತ್. ವ್ಯಕ್ತಿ ಸ್ವಾತಂತ್ರಾಚ್ಯೆ ದಿಶ್ಟಿನ್ ಆನಿ ಆತಾಂಚ್ಯೆ ವೈಜ್ನಾನಿಕ್ ನದೆನ್ ಹೆಂ ವಿಧಾನ್ ಭೋವ್ ಪರಿಣಾಮ್ಕಾರಿ. ‘ಪಳೆ, ಪಾರ್ಕಿ ಆನಿ ಕಾರ್ಯಾಕ್ ದೆಂವ್’ ಹೆಂ ವಿಧಾನ್ ವೈ.ಸಿ.ಎಸಾಂತ್ ಶಿಕ್ ಲ್ಲೆಂ, ತೆಂ ಚಾಲ್ತ್ಯೆ ಜಿಣಿಯೆಂತ್ ವಾಪರ್ನ್ ಜಿಣಿ ಸಾರ್ಥಕ್ ಕೆಲ್ಲೆ ಸಬಾರ್ ದಾಖ್ಲೆ ಆಸಾತ್.
ವೈ.ಸಿ.ಎಸ್ ಸಂಚಾಲನಾಚೆಂ ಹುದ್ದೆದಾರ್:
ವೈ.ಸಿ.ಎಸ್ ಜಾಗತಿಕ್ ಸಂಚಾಲನ್ ಜಾವ್ನಾಸುನ್ ಹಾಚೆಂ ಅಂತರಾಷ್ಟ್ರೀಯ್ ದಪ್ತರ್, ಪ್ಯಾರಿಸಾಂತ್, ಏಷ್ಯನ್ ದಫ್ತರ್ ಮನಿಲಾಂತ್ , ರಾಷ್ಟ್ರೀಯ್ ದಫ್ತರ್ ಚೆನ್ನೈಂತ್, ಕರ್ನಾಟಕ್ ಪ್ರಾಂತ್ಯ್ ದಫ್ತರ್ ಬೆಂಗ್ಳುರಾಂತ್ ಆನಿ ಅಮ್ಚ್ಯಾ ದಿಯೆಸೆಜಿಚ್ಯಾ ಹರೆಕಾ ಫಿರ್ಗಜೆಂತ್ ಕ್ರಿಯಾಳ್ ಜಾವ್ನಾಸಾ.
ಪ್ರಸ್ತುತ್ ಹುದ್ದೆದಾರಾಂಚಿ ವ್ಹಳಕ್ ಹಾಂಗಾಸರ್ ದಿಲ್ಯಾ.
1. ಬಾ. ಚಾರ್ಲ್ ಮಿನೆಜಸ್, ಅಂತರಾಷ್ಟ್ರೀಯ್ ದಿರೆಕ್ತೊರ್
2. ಅ.ಮಾ.ದೊ.ಹೆನ್ರಿ ಡಿ’ಸೋಜ, ರಾಶ್ಟ್ರೀಯ್ ಯುವ ಆಯೋಗಚೊ ಕಾರ್ಯದರ್ಶಿ
3. ಬಾ. ಚೇತನ್ ಮಚಾದೊ, ರಾಷ್ಟ್ರೀಯ್ ಚಾಪ್ಲೇಯ್ನ್
4. ಜೆಸ್ವೀಟಾ ಕ್ವಾಡ್ರಸ್, ಆಂಜೆಲೊರ್. ರಾಶ್ಟ್ರೀಯ್ ಅಧ್ಯಕ್ಷಿಣ್
5. ಬಾ. ರೂಪೆಶ್ ಮಾಡ್ತಾ, ದಿರೆಕ್ತೊರ್ , ಮಂಗ್ಳುರ್ ದಿಯೆಸೆಜ್
6. ಲವಿಟಾ ಡಿಸೋಜ, ಅಧ್ಯಕ್ಷಿಣ್, ಮಂಗ್ಳುರ್ ದಿಯೆಸೆಜ್
7. ಡಿಯೊನ್ ಮಸ್ಕರೇನ್ಹಸ್, ಅಧ್ಯಕ್ಷ್, ಎಪಿಸ್ಕೋಪಲ್ ಸಿಟಿ ವಾರಾಡೊ.
ವ್ಹಡಿಲಾಂಚಿ ಜವಾಬ್ದಾರಿ:
ವೈ.ಸಿ.ಎಸ್ ಯುವಜಣಾಂ ಖಾತಿರ್ ಆಸ್ಚೆಂ ಸಂಚಾಲನ್ ಜಾಲ್ಲ್ಯಾನ್ ಜರ್ ವ್ಹಡಿಲಾಂ ಆಪ್ಲ್ಯಾ ಭುರ್ಗ್ಯಾಂಕ್ ಹ್ಯಾ ಸಂಚಾಲನಾಚಾ ಜಮಾತೆಕ್ ಧಾಡ್ಲ್ಯಾರ್ ಆಪ್ಲ್ಯಾ ಭುರ್ಗ್ಯಾಂಚಿ ವಾಡಾವಳೆಕ್ ಆಧಾರ್ ದಿತೆಲಿ. ಹ್ಯಾ ಸಂಚಾಲನಾಂತ್ ನ್ಹಯ್ ಕೇವಲ್ ಶಿಕೊವ್ಣ್ ಬಗಾರ್ ಖೆಳ್, ಗಿತಾಂ ಆನಿ ಇತರ್ ಮನೋರಂಜನ್ ಆಸಾ ಕರುನ್ ಹರೇಕ್ ಜಮಾತ್ ಕ್ರಿಯಾಳ್ ಆನಿ ಆಕರ್ಶಿತ್ ಕರುಂಕ್ ಪ್ರಯತನ್ ಚಲ್ತಾ. ದೆಕುನ್ ತುಮ್ಚ್ಯಾ ಭುರ್ಗ್ಯಾಂಕ್ ವೈ.ಸಿ.ಎಸ್. ಸಂಚಾಲಾನಾಕ್ ಭರ್ತಿ ಜಾಂವ್ಕ್ ಆನಿ ವಯುಕ್ತಿಕ್ ವಾಡಾವಳ್ ಜೊಡುಂಕ್ ಪೆÇ್ರೀತ್ಸಾಹ್ ದಿಯಾತ್.
ಲಾಂಬ್ ಜಿಯೊ ವೈ.ಸಿ.ಎಸ್.
